အဖွဲ့၏ ရည်ရွယ်ချက်

မြတ်စွာဘုရားသည် မိမိကိုယ်တိုင် ဆင်းရဲမှ လွတ်မြောက်သလို သတ္တ၀ါအားလုံးကိုလည်း ဆင်းရဲမှ လွတ်မြောက်စေလိုပါသည်။ ဆင်းရဲမှ လွတ်မြောက်သော တရားတို့ကို (၄၅) နှစ်ပတ်လုံး ဆင်းရဲပင်ပန်းခံကာ သတ္တ၀ါတို့ကို သနားကြင်နာတတ်သော မဟာကရုဏာဖြင့် လှည့်လည် ဟောကြားညွှန်ပြတော်မူခဲ့ပါသည်။ သစ္စာလေးပါး မြတ်တရား ဟု ဆိုပါသည်။

သတ္တ၀ါအားလုံးတို့သည် ဆင်းရဲကို အလိုမရှိကြပါ။ ဆင်းရဲဆိုသော သဘာဝတရားက အားလုံးနှင့် သက်ဆိုင်ပါသည်။ ဆင်းရဲကို အလိုမရှိမှုသည် ကာလမရွေး၊ ဒေသမရွေး၊ လူမျိုးမရွေး၊ ဘာသာမရွေး၊ အယူဝါဒမရွေး မှန်ကန်နေသော သစ္စာတရား ဖြစ်သည်။ ဆင်းရဲခပ်သိမ်းချုပ်ငြိမ်းမှုကို မြတ်စွာဘုရားမှလွဲ၍ မည်သည့်ပုဂိုလ်မှ မဟောကြား မညွှန်ပြနိုင်ပါ။ ထို့ကြောင့် ဆင်းရဲပယ်သည့် နည်းလမ်းကို ဘုရားရှင်က ဟောကြားညွှန်ပြခဲ့ပါသည်။ ဆင်းရဲခြင်း၏ အကြောင်းရင်းကို ရှာဖွေပြီး ပယ်ရှားခြင်းဖြင့် ဆင်းရဲကို ချုပ်ငြိမ်းစေပါသည်။ ထိုဆင်းရဲချုပ်ခြင်း၊ ဆင်းရဲကုန်ခြင်း၊ ဆင်းရဲမရှိခြင်းကိုပင် နိဗ္ဗာန်ဟု ဆိုပါသည်။ သတ္တ၀ါတိုင်း အလိုရှိအပ်သော တရားဖြစ်သည့် ဆင်းရဲပယ်သည့် နည်းလမ်းကို သစ္စာလေးပါးအမည်ဖြင့် ဟောကြားညွှန်ပြခဲ့ခြင်း ဖြစ်ပါသည်။

မြတ်စွာဘုရားပွင့်မှ သိရသော ကုသိုလ် အကုသိုလ် ကို အခြေခံ၍ ကံနှင့် ကံအကျိုး ကို ယုံကြည်မှု သဒ္ဓါ ဦးဆောင်သော ကံကုသိုလ်မှ ပညာဦးဆောင်သော ဥာဏ်ကုသိုလ်ဖြစ်ပေါ်အောင် ဟောကြားခဲ့သော တရားဓမ္မတို့ကို သာမန်လူတို့ နားလည်သိမြင်ပြီး မိမိကိုယ်တိုင်လည်း နေ့စဉ်ဘ၀မှာ ဓမ္မအမြင်ဖြင့် နေထိုင်ကျင့်သုံးတတ်သလို ဘုရားရှင် ညွှန်ပြထားသော တစ်ကြောင်းတည်းသောလမ်းဖြစ်သည့် ဆင်းရဲငြိမ်းကြောင်း သတိပဌာန် နည်းလမ်းကောင်းကိုလည်း လက်ဆင့်ကမ်းမျှဝေနိုင်ရန် ရည်ရွယ်ပြီး ၀ိသုဒ္ဓိမဂ်- ဓမ္မလမ်း ၀ိပဿနာအဖွဲ့ကို ဖွဲ့စည်းခဲ့ပါသည်။

မြတ်စွာဘုရား၏ သာသနာနှင့် ကြုံခိုက်မှာ သာသနာ့အမွေကို မိမိကိုယ်တိုင် လက်ခံကျင့်သုံးပြီး မိမိတို့၏ သားစဉ်မြေးဆက် မျိုးဆက်သစ်တို့ကိုလည်း သာသနာ့အမွေမဖြတ်ပဲ လက်ဆင့်ကမ်းပေးနိုင်ရန် အရေးကြီးလှပါသည်။ မြတ်စွာဘုရားသာသနာနှင့် ကြုံခိုက်သာ ဆင်းရဲအမှန်နှင့် ဆင်းရဲငြိမ်းရာ အမှန် မြတ်နိဗ္ဗာန်ကို သိခွင့်ရခြင်း ဖြစ်ပါသည်။ ထိုသို့သိနိုင်ရန် လေးအသင်္ချေနှင့် ကမ္ဘာတစ်သိန်း ကြာအောင် ရှာဖွေခဲ့ရပြီး ကံချမ်းသာ ဖြစ်သည့် မင်းစည်းစိမ်ကိုလည်း စွန့်ခဲ့သည့်အပြင် ဥရုဝေလတောမှာ (၆)နှစ်တာ အဆင်းရဲပင်ပန်းခံကာ ဆင်းရဲငြိမ်းရာ ဥာဏ်ချမ်းသာကို ရှာဖွေခဲ့ရပြီး သာမန်လူအများ သိလွယ်မြင်လွယ်အောင် သစ္စာလေးပါးဆိုသော အနှစ်ချုပ်တရားဖြင့် ညွှန်ပြသွားသည့်အတွက် မြတ်စွာဘုရား၏ ကျေးဇူးသည် အလွန်ကြီးလှပါသည်။

ထို့ကြောင့် ဘုရားရှင်၏ ကျေးဇူးကို ဆပ်နိုင်ရန်အတွက် မြတ်စွာဘုရား ရှာဖွေထားခဲ့သည့် သာသနာ့အမွေကို လက်ဆင့်ကမ်းပေးနိုင်ရန် မိမိတို့ စွမ်းနိုင်သမျှ ကြိုးစားအားထုတ်ကြပါစို့ဟု အဖွဲ့သူ အဖွဲ့သားများက ပြင်းပြသော ဆန္ဒ၊ ထက်သန်သော ၀ီရိယ၊ တည်ကြည်သော စိတ်ဓါတ်တို့ဖြင့် မဆုတ်မနစ်၊ ရဲရဲရင့်ရင့် ဆောင်ရွက်ကြရမည် ဖြစ်ပါသည်။

 

သြ၀ါဒ ဆရာတော်ကြီးများ